Gumilyov Journal of Sociology

Журнал туралы

Gumilyov Journal of Sociology – рецензияланатын, ашық қолжетімді ғылыми журнал.

Журнал – 1995 жылдан бастап жарық көрген «Л.Н. Гумилев атындағы Еуразия ұлттық университетінің Хабаршысы. Педагогика. Психология. Әлеуметтану сериясы» ғылыми басылымының құқықтық мұрагері.

2025 жылы аталған серияны бөлу және ребрендингтеу нәтижесінде журнал «Gumilyov Journal of Sociology» деген атпен дербес ғылыми басылым ретінде бөлініп шықты. Бұрынғы серияның шығарылымдар мұрағаты «Л.Н. Гумилев атындағы Еуразия ұлттық университетінің Хабаршысы. Педагогика. Психология. Әлеуметтану сериясы» сайтында қолжетімді, ал әлеуметтану бағытындағы жаңа қолжазбалар «Gumilyov Journal of Sociology» ресми сайты арқылы қабылданады.

Журнал Қазақстан Республикасы Мәдениет және ақпарат министрлігінде тіркелген. Есепке қою туралы куәлік № KZ81VPY00114486, 11.03.2025 ж.

Журналға халықаралық стандартты сериялық нөмірлер берілген:

ISSN Print: 3080-1702

ISSN Online: 3104-4638

Журналдың шығу мерзімі – жылына 4 рет: наурыз, маусым, қыркүйек, желтоқсан.

Журнал материалдарды қазақ, орыс және ағылшын тілдерінде жариялайды.

Журнал Қазақстан Республикасы Ғылым және жоғары білім министрлігі Ғылым және жоғары білім саласындағы сапаны қамтамасыз ету комитеті ұсынған Журналдар тізбесіне енгізілген.

Gumilyov Journal of Sociology мақсаты – әлеуметтік процестерді, институттарды, қарым-қатынастарды, теңсіздіктерді, әлеуметтік өзгерістерді және өзекті қоғамдық мәселелерді зерттеуге бағытталған түпнұсқалық, әдіснамалық негізделген және академиялық маңызы бар зерттеулерді жариялау арқылы әлеуметтану ғылымдары саласындағы ғылыми коммуникацияны дамыту.

Журнал іргелі және қолданбалы зерттеулердің нәтижелерін ұсыну, теориялық және эмпириялық әлеуметтануды дамыту, ғылыми жарияланым мәдениетін нығайту және қазақстандық әлеуметтану ғылымын халықаралық зерттеу кеңістігіне ықпалдастыру үшін ашық академиялық алаңға айналуға ұмтылады.

Gumilyov Journal of Sociology миссиясы әлеуметтану және іргелес әлеуметтік ғылымдар саласындағы ғылыми адалдықтың, академиялық пікірталас пен жарияланым этикасының жоғары стандарттарын қолдаудан тұрады.

Журнал қазақстандық және шетелдік зерттеушілер арасындағы ғылыми диалогты дамытуға, пәнаралық тәсілдерді ілгерілетуге, заманауи әлеуметтанулық зерттеулердің нәтижелеріне қолжетімділікті кеңейтуге және Қазақстан, Орталық Азия, Еуразия қоғамы мен жаһандық әлеуметтік процестерге арналған зерттеулердің көріну деңгейін арттыруға бағытталған. 

Журналдың ғылыми бағыттары

Журнал Қазақстан Республикасы Ғылым және жоғары білім министрінің 2024 жылғы 30 қыркүйектегі № 466 «Ғылыми бағыттардың сыныптауышын бекіту туралы» бұйрығымен бекітілген Ғылыми бағыттардың сыныптауышына сәйкес келесі ғылыми бағыттар бойынша материалдарды қарауға қабылдайды:

50400 Әлеуметтану ғылымдары
50401 Демография
50402 Отбасылық зерттеулер
50403 Әлеуметтік ғылымдардың математикалық әдістері
50404 Әлеуметтік мәселелер
50405 Әлеуметтік жұмыс
50406 Әлеуметтану
50407 Феминология

Журналдың тақырыптық ауқымы

Gumilyov Journal of Sociology заманауи әлеуметтану және іргелес әлеуметтік ғылымдар бойынша теориялық, әдіснамалық, эмпириялық және қолданбалы зерттеулерді жариялайды. Журналдың тақырыптық ауқымына әлеуметтік теория мен зерттеу әдістері, демография, отбасылық және гендерлік зерттеулер, әлеуметтік мәселелер, теңсіздік, әлеуметтік жұмыс және әлеуметтік саясат, экономикалық әлеуметтану, еңбек және жұмыспен қамту әлеуметтануы, саяси әлеуметтану, азаматтық қатысу, білім беру, жастар, мәдениет, қала, денсаулық сақтау, цифрлық орта, медиа, тәуекел және тұрақты даму әлеуметтануы кіреді. Журнал әлеуметтану, демография, әлеуметтік жұмыс, феминология, экономика, саясат және басқа да әлеуметтік ғылымдар тоғысындағы пәнаралық зерттеулерге ашық.

Жарияланатын материалдар түрлері

Журнал басылымның профиліне, редакциялық саясатқа, сондай-ақ Principles of Transparency and Best Practice in Scholarly Publishing және NISO JATS – Journal Article Tag Suite метадеректер стандартын қоса алғанда, халықаралық ғылыми баспа тәжірибесін ескере отырып, материалдардың келесі түрлерін қарауға қабылдайды:

• түпнұсқалық ғылыми мақалалар;
• шолу мақалалары және әдебиеттерге жүйелі шолулар;
• теориялық, әдіснамалық және эмпириялық зерттеулер;
• ғылыми эсселер мен пікірталас материалдары;
• кітаптарға, монографияларға және ғылыми басылымдарға рецензиялар;
• редакцияға хаттар және редакцияға хаттарға жауаптар;
• редакциялық материалдар;
• түзетулер, түсініктемелер және ретракция туралы хабарламалар.

Журналдың ғылыми профиліне, академиялық адалдық талаптарына, жарияланым этикасы мен басылымның редакциялық саясатына сәйкес келетін материалдар жариялауға қабылданады.

Мақсатты аудитория

Журнал кәсіби әлеуметтанушыларға, әлеуметтік ғылымдар саласындағы зерттеушілерге, жоғары оқу орындарының оқытушыларына, докторанттарға, магистранттарға, әлеуметтік саясат, әлеуметтік жұмыс, демография, гендерлік зерттеулер саласындағы мамандарға, сондай-ақ заманауи әлеуметтік процестерді ғылыми талдауға қызығушылық танытатын барлық оқырманға бағытталған.

Құрылтайшы және баспагер

Журналдың құрылтайшысы және баспагері – «Л.Н. Гумилев атындағы Еуразия ұлттық университеті» КЕАҚ.

Құрылтайшының ресми сайты: https://enu.kz/kz/

Баспагердің мекенжайы: Қазақстан Республикасы, 010000, Астана қ., Сәтбаев көшесі, 2.