Жоғары білім берудегі цифрландырудың жеке тұлғаға әсері

Аңдатпа

Қоғам дифференциация мен өзгерістер үнемі болатын тірі организм секілді болып табылады. Әлеуметтік өзгерістер-бұл әлеуметтік институттардың құрылымдары мен олардың атқаратын функцияларының өзгеруі. Тарихи процесс барысында қоғам мен мәдениетті құрайтын әлеуметтік институттарға әртүрлі көзқарастар туындайды. Әлеуметтік өзгерістерді зерттеу мәдени трансформацияны да көруді білдіреді. Осылайша әлеуметтік құрылымның жаңа күйі анықталады. Институттарға негізделген өзгерістер процесінің бұл анықтамасы әлеуметтік институттарды анықтайтын факторларға негізделген қоғамның түрлерін ашады. Бүгінгі таңда басым болып келетін технологиялық детерминизм цифрлық қоғамды анықтауға әкелді. Цифрлық қоғам-цифрлық саладағы технологиялық дамудың нәтижесі. Жасанды интеллекттің өсіп келе жатқан маңызы цифрлық қоғамды анықтауда шешуші рөл атқарды, өйткені ол тек бір салада ғана емес, көптеген салаларда да қарастырылады. Отбасы, білім, экономика, саясат, дін және бос уақыт сияқты барлық әлеуметтік институттар осы жаңа факторға сәйкес қалыптасады. Олардың ішіндегі ең маңызды институттардың бірі-білім беру институты. Оқу орнындағы өзгерістерді түсіну үшін тек цифрлық технологияларды ғана емес, сонымен қатар институттардың бір-біріне тәуелділігін де түсіну қажет. Әлеуметтік институттар бір-біріне әсер етеді, олар жаңа функцияларды орындай алады немесе бар функцияларын басқа мекемеге бере алады. Мұнда цифрлық қоғамдағы сенімге, жалғыздыққа/даралыққа және құндылықтарға байланысты жағдайлар қалай қалыптасатыны туралы мәселені қарастыру қажет. Бұл зерттеуде цифрландыру процесі жоғары білім беру саласындағы құбылыс ретінде қарастырылады және оның мақсаты осы құбылыспен анықталған әлеуметтік салдарды бағалау болып табылады. Зерттеу барысында сенім, жалғыздық және технологияны қолданудағы деңгей айырмашылықтары талқыланады, сонымен қатар білім беру мекемесінің ұйымы болып табылатын жоғары білім беру саласындағы цифрландырудың жеке тұлғаға әсерін анықтауға ұмтылыс жасалынады.