ӘЛЕУМЕТТІК ҚЫЗМЕТ КӨРСЕТУ ЖҮЙЕСІНДЕ КЕЙС-МЕНЕДЖМЕНТТІ ҚОЛДАНУ: ҚАЗАҚСТАН КОНТЕКСТІНДЕГІ МӘСЕЛЕЛЕР МЕН ШЕШІМДЕР
DOI:
https://doi.org/10.32523/3080-1702-2025-153-4-109-123Кілт сөздер:
кейс-менеджмент, әлеуметтік қызмет көрсету, отбасы, әлеуметтік қызметтер, әлеуметтік жұмысАңдатпа
Бұл мақалада әлеуметтік қызмет көрсету жүйесіндегі кейс-менеджмент технологиясын қолдану қарастырылған. Зерттеу нәтижелері талқыланып берілген. Жұмыстың негізгі мақсаты – отбасыларға әлеуметтік қызмет көрсету құралы ретінде кейс-менеджменттің әлеуетін анықтау, сондай-ақ оның Қазақстанның әлеуметтік қызмет көрсету жүйесіне интеграциялануындағы жағдайлар мен кедергілерді анықтау.
Зерттеу әдістемесі отбасымен әлеуметтік жұмыста кейс-менеджмент технологиясын қолданудың практикалық немесе теориялық тәжірибесі бар әртүрлі ұйымдар мен елдердің әлеуметтік саласының өкілдері арасында жүргізілген сараптамалық сауалнамаға негізделген.
Зерттеу нәтижелеріне сәйкес, кейс-менеджмент кешенді қызмет көрсетуге, проблемаларды шешуге жүйелі көзқарасқа және қызметтерді үйлестіруді жақсартуға ықпал етеді. Оны енгізудегі негізгі кедергілер нормативтік-құқықтық базаның болмауы, білікті мамандардың жетіспеушілігі, ведомствоаралық ынтымақтастықтың әлсіздігі және жеткіліксіз қаржыландыру болып табылады. Осыған қарамастан, технология әлеуметтік жұмыстың тиімділігін арттыра алатын перспективалық құрал ретінде қарастырылады.
Зерттеудің үлесі кейс-менеджмент туралы білімді жүйелеуден, оның жергілікті жағдайларға бейімделу үшін негізгі аспектілерін анықтаудан тұрады.
Зерттеу нәтижелері кейс-менеджментті Қазақстанның әлеуметтік қызмет көрсету жүйесіне интеграциялау стратегиясын әзірлеу үшін және осы саладағы мамандардың құзыреттерін қалыптастыруға бағытталған курстарды әзірлеу үшін пайдаланылуы мүмкін.
