ҚАЗАҚСТАНДАҒЫ ЦИФРЛЫҚ МОДЕРНИЗАЦИЯ ДӘУІРІ: ЖОҒАРЫ ОҚУ ОРЫНДАРЫНДАҒЫ БІЛІМ АЛУШЫЛАРДЫҢ КӨЗҚАРАСЫ

Аңдатпа

Жаһандық цифрлық трансформация жағдайында осы өзгерістердің ортасында тұрған мамандардың болашақ ұрпағы жаңа цифрлық шындықты қалай бағалайтынын және біріктіретінін түсіну өте маңызды. Бұл жұмыс білім беру мен еңбек нарығын цифрландыру дәуірінде білім алушылардың алдында тұрған негізгі проблемалар мен перспективаларды анықтауға бағытталған. Сандық деректерді жинау үшін әлеуметтанулық сауалнама әдісі қолданылды. Соның ішінде Қазақстанның әртүрлі мамандықтары мен университеттерінің студенттеріне сауалнамалық сұрау қолдану арқылы жүргізілді. Іріктеу 4671 респонденттерден тұрады. Сандық деректерді өңдеу үшін статистикалық талдау әдістері және деректерді жүйелеу үшін мазмұнды талдау қолданылды. Зерттеудің нәтижелері студенттердің жаңа жағдайларға бейімделу деңгейін анықтауға көмектесті, бұл цифрландырудің тиімділігін арттыру стратегияларын әзірлеуге мүмкіндік беретін маңызды деректер берді. Студенттердің цифрлық өзгерістерге сәтті бейімделуіне әсер ететін негізгі факторлар анықталды. Цифрландыру процесіне деген жалпы оң көзқарасқа қарамастан, жоғары сапалы цифрлық ресурстарға қол жеткізу, интернет желісінің оқу бағдарламаларының өзектілігі және ақпараттың шамадан тыс жүктелуі жағдайында сыни ойлауды дамытуға байланысты күрделі мәселелер бар екені анықталды. Негізгі проблемалар цифрлық құралдарды сәтті пайдалану үшін маңызды деп саналатын интернеттің қол жетімділігі мен сапасына қатысты. Алынған нәтижелер цифрлық модернизация бойынша мемлекеттік бағдарламаларды, жоғары оқу орындарының білім беру стратегияларын әзірлеу мен түзету және адами капиталды дамыту саласындағы тиімді саясатты қалыптастыру үшін жоғары практикалық маңызға ие. Бұл мақала Қазақстанның цифрлық болашағының қозғаушы күші - студенттердің көзқарасы арқылы цифрлық трансформацияға бірегей көзқарас ұсынады, бәсекеге қабілетті және инновациялық қоғамды қалыптастыруға мүдделі барлық адамдар үшін таптырмас ресурс болады.